Oberlausitzer Heide- und Teichlandschaft
Hornjołužiska hola a haty

Sewjernje Budyšina započina so jedna z mnohostronskich krajinow Němskeje. Krasne knježe domy, barokowe hrody a hladane parkowy zahrody w Njeswačidle, Hrodźišću, Minakale a Miłkecach wabja k přebywanju. Idealnje za tury z kolesom, stanowanje, kupanje a wuskušowanje jónkrótneje flory a fawny. W UNESCO biosferowym rezerwaće Hornjołužiska hola a haty wuhladaš žadne zwěrjata a rostliny, kaž n. př. kosćełamaka abo wulkeho humpaka. Najlěpje jednu z wjele kolesowarskich šćežkow abo dźěl někak 250 km dołheho kolesowarskeho puća “Serbske impresije” wobjeć.  Kak by z wochłódnjenjom w Olbje abo wopytom bywšeje serbskeje wjesneje šule tudyšim šulskim muzejom “Korla Awgust Kocor” w Stróži było? Wučbne šćežki w Hućinje, Malešecach abo Njeswačidle sposrědkuja wědu k stawiznam a přirodźe. Wopyty muzeja Margarěćina hěta we Wulkej Dubrawje, klóštra Marijineje Hwězdy a barokoweho hrodu w Njeswačidle so tohorunja wudanja. Po powědach płaći Jitk jako ródna wjeska serbskeho kuzłarja Krabata. Mnoho wsow a městow pochadźeje ze słowjanskich sydlišćow. Serbska rěč słuša kruće do wšědneho dnja. Přez lětstotki zachowachu sej Serbja, najmjeńši słowjanski lud, jich tradicije. Žiwe nałožki kaž n. př. ptači kwas, jutrowne jěchanje, debjenje jutrownych jejkow a mejemjetanje wabja kóžde lěto tysacy wopytowarjow do regiona. 


Nach oben